FANDOM


'''劉仲敬'''(William Liu,{{bd|1974年|12月10號}}),網名「數卷殘編」,四川大學世界史碩士、武漢大學歷史系博士肄業,歷史、國際政治評論員,祖籍[[四川]]資中,喺[[新疆]]出世,而家滯留緊[[美國]]。

== 經歷 ==
1996年,劉仲敬喺華西醫科大學畢業,之後喺新疆某公安局做咗差唔多十年法醫。2012年,佢喺四川大學攞到世界史碩士學位<ref>[http://cpr.itsc.cuhk.edu.hk/tc/events_speaker.php?id=11445 講者簡歷,<自由主義與殖民主義在遠東的崩潰>,香港中文大學傳訊及公共關係處]</ref>。

2014年3月,劉仲敬以《民國紀事本末》作者嘅身份,喺鳳凰衛視嘅《開卷八分鐘》節目擔任來賓,就國民黨黨產同埋其他問題發表個人評論。

2015年12月,劉仲敬參加由[[香港浸會大學]]饒宗頤國學院主辦嘅「普世價值再思」論壇,並且發表演講<ref>[http://paper.wenweipo.com/2015/12/12/OT1512120002.htm 文匯報:兩地學者暢談中國模式與文明共融,2015年12月12號]</ref>。

2017年,劉仲敬開始喺明鏡新聞網,每個星期舉行一次叫做《劉仲敬思想》嘅網絡講座。

== 見解 ==

=== 歷史評論 ===

==== 中日戰爭 ====
戰爭爆發嘅真正原因,係蘇聯同日本之間嘅國際博弈;而直接原因,就係蔣介石本人唔肯承認政治現實。日本喺「滿洲」(中國東北地區)嘅投資,完全屬於正常嘅資本主義活動。投資過後,日本人又驚收唔返本,於是不斷向滿洲派遣軍隊,用來保護「南滿洲鐵道」嘅利權,最後導致咗滿洲國嘅成立。[[蔣介石]]明知南京國民政府唔夠日本打,但因為佢嘅中華民族情意結,蔣介石都係堅持發動戰爭,擔心日本控制滿洲得太耐,當地嘅民心變遷,加上國際因素,好可能永遠「攞唔返」滿洲。[[盧溝橋事變]]實際上亦係蔣介石授意沿境士兵,私底下挑釁日本關東軍而造成<ref>劉仲敬:《遠東的線索:西方秩序的輸入與中國的演變》</ref>。

=== 時事政治 ===

==== 美國 ====
據劉仲敬嘅睇法,美國係「人類有史以來最仁慈嘅秩序輸出者……如果按照[[當勞侵]]自己做生意同交稅嘅標準來衡量國際關係,就只能夠承認,美國政府係未試過『有風駛盡𢃇』」<ref>[http://talk.ltn.com.tw/article/paper/1050927 劉仲敬:<川普能給台灣什麼想像?>,自由評論網,2016年11月11號]</ref>。

==== 歐洲 ====
劉仲敬認為,「舊[[歐洲]]官僚國家模式」係冇辦法應對來自伊斯蘭國同類似組織嘅挑戰<ref>[https://theinitium.com/article/20151115-opinion-isis-counter-terrorism-european-bureaucratic-country-liuzhongjing/ 劉仲敬:<舊歐洲官僚國家模式,將無法應對伊斯蘭國?>,端傳媒,2015年11月15號]</ref>。

==== 中華人民共和國 ====
劉仲敬認為,[[習近平]]執政路線嘅核心係「紅二代」打倒技術官僚,重新主導返政權,但如果習嘅企圖越成功,噉喺國際外交呢方面,中國就會比以前更加被動<ref>[http://talk.ltn.com.tw/article/paper/1014547 劉仲敬:<夜幕降臨>,自由評論網,2016年7月25號]</ref>。

==== 香港 ====
劉仲敬喺文章度講,「……獨派(註:香港獨立運動)同統派嘅任務難度天生就唔平等,打爛嘅雞蛋唔多可能自己返到蛋殼入面去。鬥爭嘅勝利對統派係唔夠嘅,對獨派係冇必要嘅。統派一定要保證,冇人會對獨統問題有興趣。只要鬥爭開始,佢哋就已經輸咗。無論鬥爭嘅結果係點,鬥爭嘅事實本身就係有利於獨派嘅」<ref>[http://news.ltn.com.tw/news/supplement/paper/1027229 劉仲敬:<香港民族的林中路>,自由時報,2016年8月31號]</ref>。

==== 臺灣 ====
國民黨從整體來講「就係一班攞錯劇本嘅演員」,蔣介石作為呢批人嘅領袖,成日唔知道自己真正嘅歷史地位,過度執著「世界四強」呢個稱號,唔關注地方性事務,結果「畀咗台灣社會發展下一代精英嘅機會」<ref>[http://www.chinatimes.com/newspapers/20161119000815-260301 中時電子報:<回顧國共近代史 蔣錯估兩岸情勢 陸學者指尷尬現況源於歷史>,2016年11月19號]</ref>。

至於民進黨,劉仲敬就話臺灣喺「2015-2016年之間嘅政治生態調整,已經畀咗[[蔡英文|小英總統]]一個難得嘅機會」,所以劉仲敬建議蔡英文「將自己嘅任期變成新節點,穩定之後幾十年嘅格局」,以免夜長夢多。喺呢個前提下,[[民進黨]]或者轉型做「審慎型綠色大黨」,同台聯或者其他細黨就「吸收第三勢力、民間團體,形成理想型綠色大黨」,或者「扮演[[以色列]]建國初期嘅工黨角色,周圍係大批冇能力單獨執政嘅細黨」<ref>[http://news.ltn.com.tw/news/supplement/paper/983012 劉仲敬:<如果我是小英總統>,自由時報,2016年4月26號]</ref>。

== 外界評價 ==

=== 中華人民共和國 ===
華東師範大學教授許紀霖話,「(劉仲敬)呢位啱啱而立之年嘅學子係一位難得嘅怪才、學痴……大識大見打通古今中西,乃當今學界罕見之天才也」<ref>[http://epaper.bjnews.com.cn/html/2013-11/16/content_478234.htm?div=0 <不確定的歷史?——一本奇書引發的爭議>,新京報,2013年11月16號]</ref>。

自由評論人李爾克認為,劉仲敬「毅力驚人」,「閱讀量、記憶力同驚人嘅聯想力似乎都冇得彈」,但劉嘅見解「事實錯誤」、「思想貧乏」,只不過喺度兜售緊佢「嗰套糅合(偽)西方中心主義、(偽)英格蘭保守主義、(偽)史賓格勒式嘅文明季候論、(偽)世界新秩序、(偽)春秋公羊學等『歷史理路』同『草蛇灰線』嘅一種所謂返到以德性做支撐嘅『細共同體』嘅政治哲學」<ref>[http://epaper.oeeee.com/epaper/C/html/2015-11/15/content_11410.htm 李爾克:<有一種「先知」讓人如何評判?>,南方都市報,2015年11月15號]</ref>。而劉仲敬引起嘅所謂爭議,其實並「冇進入到專業史學研究入面具體歷史問題論爭嘅視野,本質上係一種政治姿態」,佢之所以爆紅,係由於「主要嘅爭論者喺立場同方法上都顯得粗糙,而真正有思想深度嘅學者,又因為種種原因,唔能夠充分表達自己嘅觀點」<ref>[http://epaper.oeeee.com/epaper/C/html/2016-01/11/content_2463.htm 李爾克:<劉仲敬的三個面相>,南方都市報,2016年1月11號]</ref>。

中國藝術研究院研究員張耀傑就話,劉仲敬「係有兩篇考據性文章紮實嚴謹,畀咗佢好印象」,可惜劉嘅專著(民國紀事本末)就「……唔肯喺考據發掘方面付出最低限度嘅硬功夫,而只係投機取巧噉,將郭廷以等前輩史家已經用[[現代標準漢語|白話文]]介紹清楚嘅歷史梗概,轉用半文半白、詞不達意嘅文言文抄述一次,然後又加埋啲中國傳統嘅易經、推背圖式嘅猜謎算命嘢落去,『此亦一是非,彼亦一是非』啲噉嘅空口大話來嚇窒人,出奇制勝」<ref>張耀傑:<劉仲敬的硬傷與浮誇>,《粵海風》,2015年06期</ref>。

出身於北京大學中文系嘅中國詩人余世存,喺鳳凰網嘅個人訪問提到劉仲敬話:「不單只王怡,李英強,就連劉仲敬都信埋基督教,而且佢仲走咗路去美國。劉仲敬喺班後生嘅知識分子入面,係有好大嘅知識魅力。但係佢嘅生活方式同行為方式,證明呢啲人並冇搵到安身立命嘅嘢……而且喺認可呢種生活方式嘅過程入面,亦要產生出創造力,呢樣先係最緊要嘅」<ref>[http://news.ifeng.com/opinion/gaojian/special/ysc 余世存:<知行不一的讀書人頂多算文化掮客>,鳳凰網]</ref>。

北京師範大學講師田方萌認為,劉仲敬嘅《安·蘭德傳》有「抄襲其他著作」嘅重大嫌疑<ref>[http://www.infzm.com/content/125663 田方萌:<劉仲敬《安·蘭德傳》抽檢報告>,《南方週末》,2017年6月29號]</ref>。

=== 海外 ===
政治評論人梁京認為,劉仲敬以「全球視野同埋雄辯嘅歷史分析,顛覆性噉批判咗,維護大一統嘅史觀」<ref>[http://www.rfa.org/cantonese/june4_2005/liangjing_com-06032014083605.html?encoding=traditional 梁京:<重整河山待後生>,自由亞洲電台,2014年6月3號]</ref>,「有好多精彩嘅高論,展示咗佢嘅才華,難得嘅學術誠實同勇氣」,但劉嘅史論同史觀「係同[[李登輝]]嘅『中國七嚿論』一樣,都有誤導中國人嘅危險」,劉「低估咗大一統文化基因嘅生命力」,而且佢亦唔能夠接受到劉嘅「宿命論傾向」<ref>[http://www.rfa.org/cantonese/commentaries/lj/com-03292016080317.html?encoding=traditional 梁京:<中國改革僵局難破的原因>,自由亞洲電台,2016年3月29號]</ref>。只不過,「如果劉仲敬噉樣嘅誠實學者可以繼續得到容忍,甚至係鼓勵,反而會增加咗希望,透過重新發現歷史,中國人將會獲得創造未來嘅想象力」<ref>[http://www.rfa.org/cantonese/commentaries/lj/liangjing_com-08192014084012.html/story_main?searchterm%3Autf8%3Austring=%E5%8A%89%E4%BB%B2%E6%95%AC&encoding=traditional 梁京:<發現歷史與創造未來>,自由亞洲電台,2014年8月19號]</ref>。

香港財經評論員周顯認為,劉仲敬係佢「近年最佩服嘅民間歷史學家」,「好多人對於劉仲敬嘅大膽史觀,唔敢苟同,認為當中有唔少錯誤,但……一個有咁多新見解嘅人,(啲見解如果)有三成係啱嘅,噉就已經好巴閉了」<ref>[http://www.mpfinance.com/fin/daily2.php?node=1479326253767&issue=20161117 周顯:<炒股理由都是吹出來>,明報財經網,2016年11月17號]</ref>。

== 個人著作 ==

=== 翻譯 ===
* 《飛蛇與龍》,R·A·寶萊著,光明日報出版社,2010年
* 《死亡的化學反應》,西蒙·貝克特著,江蘇人民出版社,2011年
* 《星童頭骨之謎》,勞埃德·派伊著,江蘇人民出版社,2012年
* 《英國史1-6》,[[大衛·休謨]]著,吉林出版集團有限責任公司,2012年
* 《燕子號與亞馬遜號9:偵探六人組》,[[亞瑟·蘭森]]著,貴州人民出版社,2013年
* 《燕子號與亞馬遜號12:保衛白嘴潛鳥》,[[亞瑟·蘭森]]著,貴州人民出版社,2013年
* 《麥考萊英國史1-3》,[[湯瑪士·麥考萊]]著,吉林出版集團有限責任公司,2014年
* 《美法革命比較》,腓特烈·根茨著,上海社會科學院出版社,2014年
* 《大世界 小小人》(合譯),傑拉特·藍士南、[[法蘭西斯·福山]]、卡羅林·高利特著,廣西師範大學出版社,2014年
* 《陽光的療愈力》,李察·哈代著,海南出版社,2014年
* 《山精靈普克》,魯德亞德·吉卜林著,廣西師範大學出版社,2015年
* 《原來如此的故事》,魯德亞德·吉卜林著,廣西師範大學出版社,2015年
* 《理想之書:尤其是有關日本藝術的理想》,岡倉天心著,四川文藝出版社,2017年

=== 原著 ===
* 《民國紀事本末:1911-1949》,廣西師範大學出版社,2013年
* 《從華夏到中國》,廣西師範大學出版社,2014年
* 《安·蘭德傳:生平與思想》,商務印書館,2015年
* 《經與史:華夏世界的歷史建構》,廣西師範大學出版社,2015年
* (正體中文版:八旗文化,2018年)
* 《守先待後:思想、格局與傳統》,廣西師範大學出版社,2015年
* 《近代史的墮落·晚清北洋卷:劉仲敬點評近現代人物》,八旗文化,2016年
* 《近代史的墮落·國共卷:劉仲敬點評近現代人物》,八旗文化,2016年
* 《遠東的線索:西方秩序的輸入與中國的演變》,八旗文化,2017年
* 《中國窪地:一部內亞主導東亞的簡史》,八旗文化,2017年
* 《近代史的墮落·民國文人卷:劉仲敬點評近現代人物》,八旗文化,2018年

== 攷 ==
{{Reflist|2}}

== 睇埋 ==
* [https://twitter.com/LiuZhongjing 劉仲敬嘅推特]
* [https://medium.com/@LiuZhongjing 劉仲敬嘅博客]

[[Category:中華人民共和國異見人士]]
[[Category:四川人]]
[[Category:基督徒]]